<<Դպրոցի ազգությունը կախված չէ աշակերտների և վարժապետների լոկ հայությունից. լեզուն է, որ միայն կարող է այդ վերնագիրը դնել դպրոցի ճակատին… Թող ուրեմն հայ մանուկը նախ և առաջ որպես հայի զավակ ուսանի յուր սեփական լեզուն և ապա օտարինը>>:
Միքայել Նալբանդյան
Վստահորեն ասում ենք, որ հայոց լեզուն աշխարհի ամենահարուստ, զարգացած և կատարելագործված լեզուներից մեկն է: Բնական գիտությունների բնագավառում հայերենը համարվում է որպես լավ մշակված, ճոխ լեզու և հաջողությամբ ծառայում է իր նպատակին`դառնալով կատարյալ հաղորդակցման միջոց նաև գիտության բնագավառում: Հենց այս հանգամանքն է, որ մեզանից`գիտության մշակներիցս, պահանջվում է մշտապես հետևել նրա ընթացքին,ճիշտ զարգացմանը, խստորեն հսկել նրա ճիշտ կիրառմանը ոչ միայն գիտության, այլև բոլոր բնագավառներում: Կիրառելով մայրենի լեզուն ճիշտ, կատարյալ ձևով սովորեցնելով խոսել,գրել և կարդալ հայերենով`դրանով մենք հետապնդում ենք երկու նպատակ: Առաջին նպատակն այն է, որ դրանով մենք օգնում ենք աճող սերնդին, զարգացնում նրա ճիշտ մտածողությունն ու տրամաբանությունը: Կատարյալ լեզուն ծնում է կատարյալ մտածող մարդու: Երկրորդ նպատակը մեր նախնիներից ժառանգած ամենամեծ գանձի սրբությամբ պահպանելն է, մշակելն ու կատարելագործելը:
Մեթոդմիավորման նախագահ` Վեներա Լազարյան
Անդամներ` Ասատրյան Մարինե Հեբոյան Հասմիկ
Բակունց Ալլա Մադաթյան Նարգիզ
Դանելյան Աննա Մարտիրոսյան Ժասմեն
Եղոյան Լուսինե Մխիթարյան Ցողիկ
Իգիթյան Անաիդա Սարգսյան Լուսինե
Կարապետյան Հերիքնազ Օշխերելի Սվետա
Հակոբյան Աշխեն