Մայիսի 26-ի այգաբացը ազդարարեց հանրապետության ավագ դպրոցներում Վերջին դասը:Դպրոցական կյանքին հրաժեշտ տալուց առաջ շրջանավարտները լուռ խոնարհվեցին ապրիլի 2-5-ը տեղի ունեցած պատերազմական գործողությունների ժամանակ նահատակված հայորդիների հիշատակի առջև:Ոգեկոչվեց նրանց հիշատակը,և հայ ժողովրդի բացառիկ միասնությունն ու կամքը արձագանքեցին դպրոցի յուրաքանչյուր անկյունում:Հայ մարդուն բնորոշ հոգեկերտվածքով շրջանավարտները երդվեցին վառ պահել հայի անկոտրում ոգին և հայկական ինքնությունը ` ավելի ուժեղ երկիր դառնալով երիտասարդների միասնականությունը գործնականում ցուցադրել ոչ միայն պատերազմական ժամանակներում,այլև խաղաղ պայմաններում:Դպրոցի տնօրինությունն ու մանկավարժները անթաքույց հպարտությամբ շրջանավարտներին մաղթեցին արժանապատվության բարձր զգացումով մտնել նոր կյանք ու բարձր պահել նախնյաց պատիվը:
Դպրոցում ձևավորվող քաղաքացիական գիտակցությունը հայրենիքի հանդեպ տածած սիրո խոսուն վկայությունն է: