Բնագիտական մեթոդմիավորման ապրիլյան օրերը ամփոփվեց միջդասարանային բնագիտական վիկտորինայով: Վիկտորինային նախորդող երկու շաբաթում 81 և 82 դասարանների աշակերտները գարնանային մեղվաընտանիքի նման ժրաջան աշխատում էին`կրկնում հին նյութը, օգտվում համացանցից, հարցնում տան մեծերին, մի խոսքով պատրաստվում էին բնագիտության բոլոր առարկաներից `ֆիզիկա, քիմիա, կենսաբանություն, աշխարհագրություն, առաջադրված 60 հարցերին: Հարցերը տրամաբանական էին,արտահայտում էին միջառարկայական կապերը: Մասնակից թիմերը կրում էին Բազե և Առյուծ անունները: Բուռն ու հետաքրքիր պայքարը ավարտվեց Բազե թիմի հաղթանակով: Ներկաներին զարմացրեց երեխաների հստակ և կոնկրետ պատասխանները : Այս առումով հանդիսատեսի հատուկ ուշադրությանն արժանացավ 81 –դասարանի աշակերտ Գևորգ Ասրյանը:
