Նոյեմբերի 16-ին դպրոցում աշխատանքային մեկնարկը ազդարարեց <<Մենք ենք աշխարհը>> երգը: Երգում էին բոլորը`գնահատելով աշխարհի բազմազանությունը,կարևորելով աշխարհի մշակույթների բազմազանությունը, մարդկանց արտահայտման ձևերը և անհատի կերպարը:
Հանդուրժողականության միջազգային օրվան կցվեց ճանաչողական միջոցառում` անսպասելի լուծումներով և մոտեցումներով: Լեզուներում
հանդուրժողականությունը այլ դրսևորում էր ստացել, պատմական տեսակետից`այլ, իսկ բնագիտական առարկաներում այն ներկայացվեց բույսերի և մակաբույծների, քիմիական տարրերի և Երկիր մոլորակի տիեզերական հանդուրժողականությամբ: Յուրաքանչյուր մասնախմբի ` հանդուրժողականության վերաբերյալ ներկայացրած նյութերը սովորեցնում էին ներկաներին, որ հանդուրժողականությունը սեր է,բազմակարծությունը, գործելակերպի տարբերությունները ոչ թե սպառնալիք են, այլ արժեքավոր նվերներ:
Համատեղ աշխատանքը փաստում է` դպրոցում տիրում է հանդուրժողականության մթնոլորտ, որն էլ միտված է որակյալ և հայեցի դաստիարակության հայրենանվեր գործին:
