Մայրենի լեզվի միջազգային օրվա կապակցությամբ դպրոցի սաները կարևորեցին լեզվի դերը ազգերի ինքնության,մշակութային ինքնատիպության,զարգացման ու պահպանման գործում:Մայրենիի օրը առիթ էր խոսելու հայ ժողովրդի գոյության հիմնասյուն համարվող հայոց լեզվի` որպես ազգի ինքնակերտման կարևորագույն գրավականներից մեկի նշանակության մասին.ազգապահպանությունը սկսվում է մայրենի լեզվի պահպանությունից:
Էքսկուրսիայի վերածված դասը ներկաներին ծանոթացրեց Մերձավոր Արևելքի այն երկրներին,որտեղ եղեռնապուրծ հայը ստեղծեց դպրոցներ,ճեմարաններ,վարժարաններ,բարձրագույն ուսումնական հաստատություններ,հնչեցրեց իր ոսկեղենիկ մայրենին` ի հեճուկս անտարբեր ու բիրտ աշխարհի:
<<Հայի տեղը Հայաստանն է,- փաստում են սփյուռքահայ աշակերտները,- օտար հողում չկա իսկական երջանկություն,ապրենք ու մտածենք հայերենով>>: