Ձմեռային պարտադրված արձակուրդի ավարտին սպասում էին բոլորը, տխուր էր դպրոցը,և նրան չէին ուրախացնում անգամ պատուհանների ճոխ ու ճաշակով արված նկարազարդումները,հետտոնական հանգիստը:Փետրվարի 1-ին վերջապես աշխույժով լցվեց դպրոցը,և որպեսզի մեր դպրոցի հույսերն արդարանան,հենց փետրվարի 1-ից մանկավարժներն անցան բնականոն աշխատանքի. դասեր,արտասադարանական,համադպրոցական միջոցառումներ,օլիմպիադա:Շատ աշխատանք է կուտակվել,անհրաժեշտ է ամեն ինչ հասցնել:
2015-2016 ուստարվա 2-րդ կիսամյակի աշխատանքների սկիզբը համընկավ հայոց լեզվի և գրականության մասնախմբի միամսյակի հետ,պատրաստվեցին վահանակներ`նվիրված ոսկեղենիկ հայերենին և հայ հանճարներից Պարույր Սևակին:
Դպրոցում թևածում էր կոմիտասյան երաժշտությունը.նպատակն է աշակերտներին վերադարձնել իրենց զուլալ ակունքներին,բացահայտել ժողովրդական երաժշտության կենսական հիմքերը և կարողանալ արժևորել բարձրաճաշակ երաժշտության դերն ու նշանակությունը:
Ընտրվել էին Սևակի` աշակերտներին առավել սիրելի ստեղծագործություններից <<Մարդ էլ կա,մարդ էլ>> բանաստեղծությունը և <<Անլռելի զանգակատուն>> պոեմը:Նորից արժևորվեց Սևակի թողած գրական ժառանգությունը,20-րդ դարի հայ գրականության մեջ նոր ակոս բացելը,մեր կյանքի,մեր մշակույթի,մեր ներկայի և ապագայի համար <<Եղիցի լույս>> և <<Աստծո քարտուղար>> լինելը:
Սևակի ստեղծագործությունների հիման վրա կազմված խաչբառը մեծ ոգևորություն առաջացրեց 126 դաս. ֆիզմաթ հոսքի աշակերտների մոտ : Նրանք կարողացան մաթեմատիկական կարողությունները և հմտությունները զուգորդել գրականագիտական իմացության հետ`գտնելով հարցերի պատասխանները:Իսկ վահանակի <<Մտորումներ>> բաժնի հարցերի պատասխանները աշակերտները կներկայացնեն միամսյակի ավարտին.այն է ` հայ մշակույթի անձնվեր պահպանման և հաջորդ սերունդներին ժառանգություն թողնելու ձգտումը:
