Կախվածությունների բուժման ազգային կենտրոնում
Հոկտեմբեր 14 2026
Ժամանակակից աշխարհում, երբ պատանիները ամենօրյա ռեժիմով առերեսվում են տեղեկատվական ու սոցիալական մարտահրավերների, դպրոցական կրթության կարևորագույն առաքելություններից մեկն է դառնում ոչ միայն ակադեմիական գիտելիքների փոխանցումը, այլև առողջ, պատասխանատու և իրազեկ քաղաքացու ձևավորումը։
Այս նպատակադրմամբ էլ Երևանի Կ․Դեմիրճյանի անվան հ. 139 ավագ դպրոցի աշակերտները հյուրընկալվել էին ՀՀ ԱՆ Կախվածությունների բուժման ազգային կենտրոնում։
Այցելությունը սովորական ճանաչողական շրջայց չէր. այն առողջության, կյանքի որակի և անհատական ընտրությունների շուրջ ծավալված բաց ու անկեղծ երկխոսություն էր։
Դպրոցականները, ցուցաբերելով քաղաքացիական հասունություն և բարձր հետաքրքրվածություն, ուղղեցին իրենց հուզող հարցերը՝ ստանալով սպառիչ պատասխաններ։
Նմանօրինակ նախաձեռնություններն օգնում են կոտրել հասարակական կարծրատիպերը, ձևավորում են առողջ ապրելակերպի վերաբերյալ խորքային պատկերացումներ և պատանիների մեջ արմատավորում են սեփական առողջության ու ապագայի նկատմամբ գիտակցված և պատասխանատու վերաբերմունք։
