Պատվո բարձր պարգև
Հոկտեմբեր 14 2026
Պատվո բարձր պարգև
Ուսուցչի օրվա առթիվ կազմակերպված տոնական հանդիսավոր արարողության ընթացքում Կրթության և գիտության աշխատողների Խորհրդային տարածքի արհմիության կողմից «Կրթության երախտավոր» ոսկյա հուշամեդալով պարգևատրվեց Երևանի Կարեն Դեմիրճյանի անվան հ 139 ավագ դպրոցի տնօրեն Կլարա Գագիկի Ջհանգիրյանը։
Այս բարձր պարգևը պատահական չէ. այն տարիների աննկուն աշխատանքի, կրթական համակարգում ներդրված անգնահատելի ավանդի և սերունդների դաստիարակության նվիրվածության արդյունքն է։
Կ. Ջհանգիրյանը 10 տարի շարունակ ղեկավարում է կրթօջախը՝ այն դարձնելով ոչ միայն գիտելիքի և հմտությունների ձեռքբերման կենտրոն, այլև ջերմ ու ստեղծագործ միջավայր, որտեղ ձևավորվում են վաղվա քաղաքացիները: Նրա ղեկավարման տարիներին դպրոցը գրանցել է ակնառու հաջողություններ, ինչպես ուսումնական գործընթացի որակի բարձրացման, այնպես էլ նորարարական ծրագրերի ներդրման ուղղությամբ։
«Կրթության երախտավոր» ոսկյա հուշամեդալը համայնքի և պետության երախտագիտության տուրքն է տիկին Ջհանգիրյանին։
Շնորհավորում ենք հարգարժան տնօրենին այս պատվաբեր պարգևի և Ուսուցչի օրվա առթիվ՝ մաղթելով քաջառողջություն, անսպառ էներգիա և նորանոր նվաճումներ մանկավարժական առաքելության մեջ:
