Այսօր 10-2 դասարանի աշակերտները հանդես եկան Հայոց ցեղասպանության 111-րդ տարելիցին նվիրված հուզիչ և խորիմաստ միջոցառմամբ։

Միջոցառման ընթացքում աշակերտները ներկայացրին պատմական փաստեր, բեմականացված դրվագներ՝ վերարժևորելով մեր ժողովրդի անցած դժվարին ճանապարհը և հարգելով անմեղ զոհերի հիշատակը։ Նրանց ելույթները համակված էին հարգանքով, ցավով և միաժամանակ՝ ազգային արժանապատվության խորը զգացումով։

Այսպիսի նախաձեռնությունները կարևոր դեր ունեն երիտասարդ սերնդի պատմական հիշողության պահպանման, ազգային ինքնության ամրապնդման և հայրենասիրական արժեքների ձևավորման գործում։