Շախմատը ողջ տիեզերք, որտեղ ամեն մի քայլ կարող է վճռել ճակատագիրը, իսկ յուրաքանչյուր ֆիգուր ունի իր հոգին։

Հունգաիայում մինչև 18 տարեկանների շախմատի առաջնությունում լավագույնը ճանաչվելը ոչ միայն սպորտային հաջողություն է, այլև տարիների լուռ, անխոնջ աշխատանքի, մտքի ճկունության և երկաթյա կամքի հաղթանակ։

Այս առաջնությունը սովորական մրցաշար չէր․ սա սերնդափոխության և ամենաբարձր պատասխանատվության սահմանագիծն էր։

Դպրոցը շնորհավորում է իր սանին՝ Վահե Հովհաննիսյանին ՝ ակնկալելով նորանոր հաջողություններ։

Առաջնության լավագույն մասնակիցը ապացուցեց, որ երիտասարդ տարիքում ևս կարելի է ցուցաբերել հասուն ռազմավարություն և վարպետություն։ Սա մեծ ճանապարհի միայն սկիզբն է, իսկ առջևում միջազգային նոր գագաթներն են, որոնք սպասում են իրենց նոր նվաճողին։