Հաղթանակ՝ ռազմամարզական խաղերի մրցույթում
October 14 2026
Հաղթանակի ճանապարհը երբեք պատահական չի լինում. այն կերտվում է ամենօրյա քրտնաջան աշխատանքով, անկոտրում կամքով և հայրենիքի հանդեպ ունեցած անսահման նվիրումով։
Նոր Նորք համայնքում կազմակերպված ռազմամարզական խաղերի մրցույթում Երևանի Կ.Դեմիրճյանի անվան հ 139 ավագ դպրոցի աշակերտների տարած հաղթանակը և պատվավոր 1-ին տեղը նվաճելը դրա վառ ու հպարտ ապացույցն են։
Համայնքի տարբեր դպրոցներից ժամանած թիմերը ցուցադրեցին իրենց ֆիզիկական պատրաստվածությունը, ռազմավարական մտածողությունը,,սակայն մեր դպրոցի թիմն աչքի ընկավ ոչ միայն բարձր պատրաստվածությամբ, այլև անկոտրում թիմային ոգով և բացառիկ կարգապահությամբ։
Այս հաղթանակը միայն մրցանակային գավաթ չէ. սա երիտասարդ սերնդի ուժի, ոգու և պատրաստվածության վկայությունն է։ Նոր Նորք համայնքի ռազմահայրենասիրական խաղերում արձանագրած այս հաջողությունը մեծ ոգեշնչման աղբյուր դարձավ ողջ դպրոցի համար՝ ապացուցելով, որ միասնականության, նպատակասլացության և հայրենասեր ոգու առջև անհնարին ոչինչ չկա:
