Ժամանակակից աշխարհում իրավագիտակցությունն ու սեփական իրավունքների ու պարտականությունների հստակ իմացությունը յուրաքանչյուր քաղաքացու, ստեղծարար անհատի կայացման կարևորագույն բաղադրիչներից են։ Այս գաղափարով առաջնորդվելով՝ Երևանի Կ.Դեմիրճյանի անվան ավագ դպրոցի աշակերտների համար կազմակերպվեց ճանաչողական այց Հայաստանի Հանրապետության Մարդու իրավունքների պաշտպանի գրասենյակ:

Այցելության ընթացքում Մարդու իրավունքների պաշտպանի աշխատակազմի Կոնվենցիոն մանդատների ապահովման վարչության պետ Լիլիթ Աղաջանյանը ներկայացրել է Պաշտպանի հաստատության գործունեության նպատակներն ու հիմնական ուղղությունները, անդրադարձել լիազորությունների շրջանակին և աշխատանքի առաջնահերթություններին։