ԻՐԱՎԱԿԱՆ ԳԻՏԵԼԻՔՆԵՐԻ ՁԵՌՔԲԵՐՈՒՄ՝ ԳՈՐԾՆԱԿԱՆ ՄԻՋԱՎԱՅՐՈՒՄ
Նոյեմբեր 07 2026
ԻՐԱՎԱԿԱՆ ԳԻՏԵԼԻՔՆԵՐԻ ՁԵՌՔԲԵՐՈՒՄ՝ ԳՈՐԾՆԱԿԱՆ ՄԻՋԱՎԱՅՐՈՒՄ
Այսօր Երևանի Կարեն Դեմիրճյանի անվան հ. 139 հիմնական դպրոցի աշակերտներն այցելեցին ՀՀ արդարադատության նախարարության «Իրավական կրթության և վերականգնողական ծրագրերի իրականացման կենտրոն»։ Այցի շրջանակում աշակերտները ծանոթացան իրավագիտության հիմնական հասկացություններին, մարդու իրավունքներին և պարտականություններին, ինչպես նաև ՀՀ դատական համակարգի կառուցվածքին և գործունեության սկզբունքներին։ Հանդիպումն անցավ հետաքրքիր և ուսուցողական մթնոլորտում՝ հնարավորություն ընձեռելով աշակերտներին ընդլայնելու իրենց իրավական գիտելիքները, բարձրացնելու իրավագիտակցությունը և ավելի լավ պատկերացնելու օրենքի ու արդարադատության դերը հասարակության կյանքում։
Հանդիպման ավարտին առավել ակտիվ մասնակցություն ցուցաբերած և իրենց գիտելիքներով աչքի ընկած աշակերտներն արժանացան շնորհակալագրերի։
