Նոր սերունդ, կրթական նոր մոտեցումներ, ընթերցանությունը խթանող նոր ուղիներ…..

Վերջերս Կ. Դեմիրճյանի անվան 139 ավագ դպրոցը հրավիրված էր Դ. Դեմիրճյանի անվան տուն- թանգարան՝ դերային ընթերցմամբ յուրացնելու «Վարդանանք» պատմավեպը, վերապրելու և զգալու այն ժամանակաշրջանը, որում ապրել և ստեղծագործել է մեծ պատմավիպասանը։

Առաջարկը գրավիչ էր և պարտավորեցնող. այն տանը , որտեղ քայլել ու խորհել է հեղինակը, ստեղծել անզուգական կերպարներ, փոխանցել սերունդներին միասնության և հայրենասիրության գաղափարը, ողջ ասելիքը ևս մեկ անգամ հնչեց բարձրաձայն, այս անգամ աշակերտների շուրթերից։