ԲՏՃՄ առարկաների զարգացմանը նպաստող ծրագրի շրջանակներում հաճախ են անցկացվում հանդիպումներ հայտնի մարդկանց և գիտության նվիրյալների հետ։

Այս անգամ Կարեն Դեմիրճյանի անվան դպրոցի տասներորդ դասարանցիների հյուրն էր «ԱՅԱՍ» տիեզերագիտական ընկերության, «Բազումք» տիեզերագիտական հետազոտությունների լաբորատորիայի և Հայաստանի հրթիռամոդելային ասոցիացիայի համահիմնադիր, աստղագետ Ավետիք Գրիգորյանը։Դասախոսությունը նոր մոտեցում էր մեխանիկայի խնդիրներին և պատկերացումներին։ Աշակերտները հետաքրքրությամբ լսեցին և բազում հարցեր քննարկեցին։

Ինտելեկտուալ ճամփորդությունը անծայրածիր տիեզերքում սովորեցրեց սովորողներին նայել երկնքին, բայց հենվել միայն գիտական փաստերի վրա։

Շնորհակալ ենք նման հնարավորության համար և համոզված ենք, որ նման հանդիպումները շարունակական են լինելու։