Գործընկերության հորիզոններ
October 16 2026
Գործընկերության հորիզոններ
Դպրոցի և ծնողական համայնքի միջև ձևավորված ամուր կապը յուրաքանչյուր կրթօջախի հաջողության, իսկ աշակերտի՝ ներդաշնակ զարգացման գլխավոր գրավականն է։
Երևանի Կ.Դեմիրճյանի անվան հ 139 ավագ դպրոցում ուսուցչուհի Ռ. Թամազյանի ելույթը՝ «Ծնողը դեռահասի ուղեկից, և ոչ թե վերահսկող» թեմայով, դարձավ ջերմ ու կառուցողական երկխոսության սկիզբ ներկաների համար։
Ռ. Թամազյանն իր խոսքում ներկայացրեց, թե ինչպես է չափազանցված վերահսկողությունն ու հրամայական տոնը հեռացնում դեռահասին ծնողից՝ առաջացնելով ներքին ընդվզում, փակվածություն կամ կեղծ հնազանդություն։
Զեկուցման կարևորագույն ուղերձներից մեկն այն էր, որ դեռահասի կրթության և դաստիարակության գործում ուսուցիչն ու ծնողը ոչ թե պարզապես տեղեկատվություն փոխանակողներ են, այլ դաշնակիցներ։
Զեկուցումն ընդունվեց մեծ հետաքրքրությամբ և անցավ անմիջական, ջերմ մթնոլորտում։ Ներկա ծնողները ոչ միայն հետաքրքրությամբ լսեցին ներկայացված գործնական խորհուրդները, այլև ակտիվորեն մասնակցեցին քննարկմանը՝ կիսվելով սեփական փորձով և հուզող հարցերով։
