Ճանաչողությունից դեպի մտածողություն

Ուսուցչական համաժողովները դարձել են կրթական համակարգի բարեփոխումների, փորձի փոխանակման և արդիական մարտահրավերների արդյունավետ հարթակ։ Այսօրինակ քննարկումների առանցքում ընթերցանության մշակույթի ձևավորումն է, ինչը ժամանակակից դպրոցի ու կրթության լրջագույն մարտահրավերներից է։

Համաժողովի կարևորագույն առաքելություններից մեկն էլ հենց տարբեր առարկաներ դասավանդող ուսուցիչների միջև փոխհամագործակցության ապահովումն էր: Միջոցառումը լավագույն հնարավորությունն էր, որպեսզի մանկավարժները կիսվեն իրենց հաջողված փորձով, ծանոթանան գործընկերների կիրառած ժամանակակից մեթոդներին ու դրանք ինտեգրեն սեփական դասապրոցեսում։

Այսպիսի նախաձեռնությունները ոչ միայն հարստացնում են ուսուցչի մասնագիտական գործիքակազմը, այլև ձևավորում են կրթական միասնական միջավայր։