Ընտրություններ մեր դպրոցում
Երևանի Կ.Դեմիրճյանի անվան հ139 ավագ դպրոցի աշակերտական խորհրդի կանոնադրության համաձայն՝ հոկտեմբերի երկուսին անցկացվեց աշակերտական խորհրդի նախագահի ընտրություն:Աշակերտական խորհրդի նախագահի յուրաքանչյուր թեկնածու սահմանված ժամկետում ներկայացրել էր իր նախընտրական ծրագիրը.բոլորի ծրագրերում հստակ ուղենշվում էին յուրաքանչյուրի աշխատանքները՝մասսայական միջոցառումների իրականացում,տարբեր թեմաներով դասընթացներ,ավագ դպրոցների սերտացման համագործակցություն,աշակերտների իրավահավասարություն և ինքնադրսևորում,ազատ կարծիքի արտահայտում:
Բոլոր թեկնածուներն էլ հստակ պատկերացնում էին՝աշակերտական խորհրդի և նախագահի դերը դպրոցի կառավարման և ուսումնադաստիարակչական գործընթացում մեծ է:
Սկսվեց բաղձալի քվեարկությունը.ստացված արդյունքների հիման վրա մեկ ուսումնական տարի լիազորությունների ժամկետով աշակերտական խորհրդի նախագահ ընտրվեց 12-3 դասարանի աշակերտուհի Իննա Ազիզյանը:
Շնորհավորում ենք նորընտիր նախագահին՝ ցանկանալով հետաքրքիր մտահղացումներով հագեցած բեղմնավոր աշխատանք:
