Ողջույն, սիրելի´ դեմիրճյանականներ, մանկավարժներ, շնորհավորում ենք ձեզ սեպտեմբերի 1-ի ` Գիտելիքի օրվա կապակցությամբ:
Հարգելի´ ուսուցիչներ, հավատարիմ մնացեք ձեր առաքելությանը և ձեր սաներին ուղղորդեք դեպի գիտելիք:
Նորից ու նորից հնչում է դպրոցի հիմնը և համախմբում իր շուրջը բոլոր դեմիրճյանականներին:
Մեր կրթօջախը միշտ էլ հպարտանում է իր լավագույն աշակերտներով: Հուրախություն մեզ` տարեցտարի համալրվում են նրանց շարքերը:
2017-2018 ուսումնական տարվա խորհրդանշական 1-ին զանգը կհնչեցնեն
12-րդ դասարանի աշակերտներ Վալերի Դավթյանը
և Աստղիկ Ղազարյանը:
Կեսդարյա պատմություն ունեցող մեր կրթօջախը հանրապետությունում աչքի ընկավ հոգևոր և ստեղծագործ մթնոլորտով,կրթության բարձր որակով: Վերանվանվեց Հայաստանի Հանրապետության Ազգային հերոս Կարեն Դեմիրճյանի անունով, որդեգրվեց հայրենաշինության պատվավոր գործին և այսօր մեծ հպարտությամբ պատրաստվում է նշելու իր 50-ամյա հոբելյանը:
Սիրելի´ աշակերտներ, հոբելյանական տարին կուղեկցվի ձեր անմիջական մասնակցությամբ:
Շարունակենք ավանդույթ դարձած սովորույթը և ծաղիկներ խոնարհենք քաղաքական գործչի ` Կարեն Դեմիրճյանի կիսանդրու մոտ:
Եկավ ամենապատասխանատու պահը,երբ տասներորդցիները իրենց դասղեկների ուղեկցությամբ կմտնեն դպրոց:
10-1 .դասղեկ Սենուշկա Ալեքսանյան. լեզվաբանական հոսք: Ողջունենք ապագա լեզվաբաններին ու տեղեկատվական կարևորագույն իրադարձություններ լուսաբանող լրագրողներին, թարգմանիչներին ու հռետորներին, միջազգային վերլուծաբաններին ու քննադատներին:
10-2. դասղեկ` Հասմիկ Հայրապետյան. պատմաիրավագիտական հոսք:
Այս հոսքում իրենց ուսումնառությունն են շարունակելու ապագա իրավաբաններն ու պատմաբանները, դիվանագետներն ու անմրցելի փաստաբանները, հաստատակամ դատավորներն ու վճռամիտ դատախազները, մարդու իրավունքների անփոխարինելի պաշտպանները:
10-3.դասղեկ` Դոնարա Իվանյան: Տնտեսագիտական հոսքում սովորողներ, ինչե˜ր միայն չեք կարողանա անել , եթե այս պահից զգաք,թե ինչպես և ինչով է առաջ մղվում աշխարհը: Տարիներ անց մենք ձեզ կտեսնենք բիզնես աշխարհում, բանկային գործի լաբիրինթոսում, ամենահզոր հաշվապահի դերում կամ տնտեսության կառավարման առավել համեստ դերակատարման մեջ:
10-4 դասղեկ` Ալվարդ Խաչանյան: Այս հոսքը միշտ էլ առանձնացել է , և դուք էլ ծանրակշիռ տեղն եք ունենալու մեր դպրոցում: Ֆիզմաթ հոսք ընտրած աշակերտներ, ձգտեք նվաճել ֆիզմաթ գիտությունների անհասանելի թվացող բարձունքները:
10-5.դասղեկ` Սվետլանա Օշխերելի: Բնագիտությունը գիտության գերակա ճյուղն է:Ապագա´ բնագետներ, բժշկի, էկոլոգի բնապահպանի , քիմիկ- կենսաբանի ձեր առաքելությանը եղեք արժանի:
Սիրելի´ տասնմեկերորդ և տասներկուերորդ դասարանցիներ, տանտիրոջ իրավունքով ընդունեք նորեկներին մեր մեծ ընտանիք և նպաստեք նրանց հնարավորինս ապագա յուրային դառնալու:
Համոզված եղեք, որ ձեր ընտրած ոլորտն է առաջնայինը և այդ համոզմունքով ձեր դասղեկների ուղեկցությամբ շտապեք դասարաններ:
Կարեն Դեմիրճյանի անվան հ 139 ավագ դպրոցում թող շարունակվի սերունդների երթը: