Հայաստանի Երրորդ Հանրապետության տոնի առթիվ կարգախոս ընտրվեց Վազգե
ն Ա. Կաթողիկոսի ուղերձը համայն հայությանը. <<Անկախության ճանապարհով հասնել ազատագրված հայ ոգեկանության նոր բարձունքների>>:
Աշակերտների համոզմամբ ազգային պետության հավերժության գաղափարախոսության իրեղեն գործիքը անկախությունն է ,որը էլ ծնում է ունեցածդ պաշտպանելու գիտություն: Դպրոցում թևածում էր անկախության, հավիտենության և ուժեղ պետություն ունենալու գաղափարը: Արժևորվեց Հայաստանի անցած դժվարին ճանապարհը, ներկան, ապագայի նկատմամբ մեր ակնկալիքները, մեր ժողովրդի զոհաբերությամբ, ուխտասիրությամբ և խիզախությամբ ձեռք բերած անկախությունը, որն էլ յուրաքանչյուր հայի համար անգնահատելի է:
Որպես ամփոփում աշակերտները միաձայն կրկնում էին.
-Մեզանից յուրաքանչյուրն է կրում պատասխանատվություն երկրի անկախության համար: